Kulanka ay magaalada Jowhar ku qaateen duubabka dhaqanka gobolada Hiiraan iyo Shabeelaha dhexe,culimada iyo aqoonyahanka ayay kaga hadleen dagaaladi beeleedkii shalay ka dhacay Baladweyne iyo xaquuqda shacabka gobolka Banaadir ee aqalaka sare ee barlamaanka la dhisayo
Salaadiinta iyo odayaasha dhaqanka ayaa ku baaqay in si dagdag ah loo joojiyo dirirta u dhaxayso beelaha walaala ah ee halkaasi Ku dagalamaya.
Dhankale, duubabka ayaa ka hadlay arinta la xiriirta qoondada aqalka sare ee barlamaanka ee gobolka Banaadir, Ugaas Maxamuud Cali, ugaas gudoomiyaha duubabka Dhaqanka ee labada gobol a ayaa sheegay in aanay macquul aheen in sadex milyan oo qof oo Soomaali ah ay ahaadaan xaquuq la’aan oo aanu jirin cid ku matalaysa aqalka sare ee barlamaanka la dhisayo.
Duubabka dhaqanka ayaa lagama marmaan ku tilmaamay xaquuqda gobolka Banaadir ee aqalka sare ee barlamaanka la dhisayo in la cadeyo suuragalna aanay aheyn in matalaad la’aan ka noqdaan aqalka sare ee dalka.
W/D: C/shakuur Cali Axmed
