Alle ha u naxariistee Duuliye Sare Maxamuud Maxamed Guuleed Taliyiihii hore ee Ciidanka Cirka Soomaaliya ahaana Guddoomiyaha Shirkaddii Diyaaradaha ee Soomaali airlines oo dhowaan ku geeriyooday Magaalada Nairobi ayaa Maanta lagu aasay Magaaladda Muqdisho.
Duuliye Sare Marxuum Maxamuud Maxamed Guuleed ayaa dhashay Sanadkii 1943 isago ku dhashay Tuulada Dacar buluq oo u dhow Berbera ee Goboladda Waqooyiga Dalka Soomaaliya.
Xildhibaan Cabdullahi Cali Gedefeey oo ka mid ahaa Xildhibanadii ka soo qaybgalay Aaska ayaa ka codsaday intii ay soo wada shaqeeyeen marxuumku in ay iska cafiyaan.
Taliyaha Ciidanka Cirka Dalka Soomaaliya S/Guuto Maxamuud Sheekh Cali Dable Biloote oo ay soo wada shaqeeyeen ayaa si kooban uga hadlay intii uu ka yiqiin Marxuum Guuleed.
“Barasho aan isbarano waxaa iskeen horeysey Kulyada,kadibna waxaan ku soo laabanay Soomaaliya,Guuleed waxaa loo magacabay Taliyihii ugu horeeye ee Raxanta Kowaad ee Diyaaraha Hargeysa ayaana loo bedelay”
S/Guuto C/laahi Xasan Bariise iyo S/Guuto Cali Xirsi Barre oo ku hadlaayey Magaca Ciidanka Boliiska Soomaaliyeed ayaa tacsi u diray Dhamaan Ciidanka Cirka Soomaaliya, Shaqaalihii Shirkadda Soomaali airlines, Shacabka Soomaliyeed iyo Qoyskii uu ka Geeriyooday Marxuumka.
“Aniga iyo Saaxiibkey Gen Bariise waxaan wakiil ka nahay Taliyaha Ciidanka Boliiska iyo Sarakiil kale oo aan madax u nahay,Ciidanka Boliiska Soomaaliyed waxaa uu tacsi u dirayaan Ciidanka Cirka Soomaaliya,Shaqaalihii Shirkada Soomaali airlines,Shacabka Soomaliyeed iyo Qoyskii uu ka Geeriyooday Marxuumka”
Wasiirka Wasaaradda Gaadiidka iyo Duulista Hawada Cali Axmed Jaamac Jengeli ayaa ku tilmaamay Duuliye Sare Maxamuud Maxamed Guuled inuu ahaa Halyey Soomaaliyeed oo wax badan usoo qabtay Qaranka Taariikdana kaga jira Baal dahab ah.
“Waxaan Maanta u joognaa Aaska Haldoor Soomaaliyeed buu ahaa Maxamuud Maxamed Guuleed Guuleed wuxuu soo noqday Taliyhii Ciidanka Cirka muddo dheer waxaa uu ahaa Gudoomiyaha Shirkadda Soomaali airlines”
Ku simaha Madaxweynaha, ahna guddoomiyaha Baarlamanka Soomaaliya Prof; Maxamed Sheekh Cusmaan Jawaari oo ka qayb galay aaska aay sheegay in Qabrigu yahay meel lagu waano qaato.
Aaska Marxuum Duuliye Sare Maxamuud Maxamed Guuled Taliyiihii hore ee Ciidanka Cirka ee Soomaaliya, ahaana Guddoomiyaha Shirkaddii Diyaaradaha Soomaali airlines ayaa waxa ka soo qaybgalay Xildhibaano, Xoghayaha Baarlamaanka Federaalka soomaaliya, Agaasimaha Guud ee Madaxtooyada soomaliya,Taliyaha Ciidanka Xoogga Dalka, Abaan duulayaasha C/X/Dalka, Saraakiil ka kala socotay Qaybha Ciidamada Qalabka Sida iyo Dad weyne fara badan.
