Kooxda kubadda Cagta Dekadaha ayaa la kulantay guuldarradii ugu horreysay ee Horyaalka Soomaaliya 24 kulan kaddib, Dekadda waxaa guuldarro ugu dambeysay kulan ay la ciyaartay kooxda Horseed 21/02/2017 laba gool iyo gool kulan looga adkaaday.
Cabdi Maxamed Maxamuud (Cabdi Joon) macallinka kooxda Elman ayaa noqday shaqsigii labaad ee Rikoor ka jabiyo kooxaha ugu badan ee horyaalka adkaaday ayadoo lagu xusuusto Cabdi Joon in uu ahaa macallinkii soo afjaray Rikoorkii kooxda Banaadir oo xilli ciyareed buuxa iyo mid kale la qaban waaye.
Haatan Macallin Cabdi Joon waxaa uu soo gaba-gabeeyay Rikoor dheer oo ay waday muddo kooxdisii hore ee Dekadda kuwaasoo guuldarro la’aan ahaa 24 kulan oo Horyaalka Soomaaliya, galabta ayuuna ku soo af jaray kulan ka dhacay Garoonka Banaadir ee Degmada Cabdicasiis.
Ciyaarta ayaa ku soo idlaatay qaybtii hore 2-0 oo ay hoggaanka ku haysay kooxda Elman, labada gool ayey ugu mahad celinaysaa Anwar oo dhaliyay rigooro loo dhigay Elman iyo Maxamuud Meyman oo dhaliyay gool aad u qurux badnaa.
Qaybtii labaad Dekadda oo soo tashatay ayaa garoonka ku soo laabatay hase yeeshe waxaa loo diray shaqo dheer oo ay ugu quusan karto in ay soo barbarreyso laba gool, waxaana saddex ugu dhigay oo goolkisii labaad saxiixay Anwar kaasi oo ahaa galabta shaqsiga ugu wanaagsan garoonka.
Dekadda waxaa ugu danbeysay guuldaro horyaalkii hore kulan ay la Ciyaartay Kooxda Ciidanka ee Horseed Talaado 21/02/2017 kaasi ayaana ahaa kulankii ugu danbeyay oo laga adkaado dekadda 24 kulan oo xiriir oo aan dhinaceeda dhulka la dhigin Macalin Yuu Cali Dekadaha waxaa soo gaba gabeysay Elman oo markii ugu horeysay horyaalka Soomaaliya adkaatay laba kulan oo is xiga shan kulan kadib.
Dhanka kale kooxda Elman ayaa soo afjartay lix kulan oo aysan ka adkaan kooxda Dekadda kulamada Somali Premier League, waana markii ugu horreysay oo kooxda Elman ay ka adkaato.
Galabta oo kale afar sano ka hor ayey ahayd xilligii ugu dambeysay oo kooxda Elman ay ka adkaato Dekadaha kulan ka tirsan Horyaalka Soomaaliya markii ugu dambeysay oo Elman ay garaacdo Dekada waxaa ka soo wareegtay afar sano oo buuxda.
05/04/14 Galab Sabti ah afar sano ka hor maanta oo kale Elman 3-0 waxay ugu adkaatay kooxda Dekadda waxaa ka soo wareegtay kulankaasi kaddib lix kulan oo ay guul arkin kooxda Elman kulamadii kooxda Dekadda ay guul-darreysatay iyo markii ugu dambeysay oo Elman ay adkaato ayaan halkaan idin ku soo diyaariyay.
Laga billaabo galabta kulankii ahaa illaa iyo kulankii ugu dambeeyay oo ay adkaato Elman
Sabti 05/04/18 Elman 3 – 0 Dekedaha
Talaado 18/07/17 Elman 0 – 2 Dekedaha
Jimco 03/03/17 Dekedaha 0 – 0 Elman
Talaado 26/04/16 Dekedaha 3 – 0 Elman
Isniin 01/02/16 Elman 0 – 1 Dekedaha
Jimco 27/03/15 Dekedaha 2 – 0 Elman
Isniin 29/12/14 Elman 1 – 1 Dekedaha
Sabti 05/04/14 Dekedaha 0 – 3 Elman
Cabdi Joon iyo Yuu Cali
Labadaan macalin ayaa horey u ahaa xidigo ka tirsan kooxda Elman waxaana ay soo qaaten waqti wacan oo soo maray xidigahaasi haatan waxay kala wataan kooxaha Elman iyo Dekadda Cabdi Joon waxaa uu wataa kooxdisii hore ee Elman halka Yuu Cali uu ka soo horjeedo kooxdisii hore waxaana uu haatan wataa kooxda difaacaneysa horyaalka soomaaliya sidoo kalena hogaanka u hayso horyaalka.
05/02/2018 ayeey wada ciyareen lugtii hore ee horyaalka soomaaliya labadaan macalin hase yeeshe 1-0 ayaa looga adkaaday Cabdi Joon lugta labaad oo ay galabta ku wada kulmeen ayaa looga adkaaday Yuu Cali waxaana ay ahayd mid ka xanuun badan tii ka adkaaday Cabdi Joon lugtii waayo waxaa uu waayay Yuu Cali Rikorkii uu soo waday tan iyo xili ciyareedkii la soo dhaafay.
Elman waxay ku guuldareysatay in ay ka adkaato kooxda Dekada shantii kulan ee ugu danbeysay oo ay la ciyaartay sidoo kale Elman waxay ku guul dareysatay in wax gool ah ay ka dhaliso isla shantii kulan ee la soo dhaafay afar ka mid ah oo ay la ciyaartay kooxda Dekadda waxaana shabaqa ay difaacatay hal kulan oo quraa balse labadii kulan ee ugu danbeysay ayeey ku guuldareysatay kooxda uu leyliyo xidigii hore ee xulka qaranka soomaaliya iyo kooxda Elman Cabdi Joon in ay difaacato galabta ayaana ugu horeysay.
Elman waxay u soo dhaqaaqday kaalinta shanaad kala horeynta horyaalka soomaaliya waxaana sadex dhibcood ay sare martay kooxda Jenyo oo isku dhibco ay ahayeen waxaana afar dhibcood ay u jirsatay kooxda Heegan oo kaalinta afaraad kaga jirta kala horeynta horyaalka soomaaliya.
KULAMADA KALE EE LA CIYAARI DOONO BERI IYO WIXII KA DANBEEYA
Jimco Gaadiidka FC Vs Jeenyo FC
Sabti Waxool FC Vs Banadir S.C
Axad Batroolka FC Vs Horseed S.C
Isniin Heegan S.C Vs Madbacadda FC
KALA HOREYNTA HORYAALKA SOOMAALIYA
