Waxaa maanta magaalada Cadaado ee gobolka Galgaduud gaaray Ergooyin ka kala socda magaalooyinka Dhuusamareeb, Guriceel, Cabudwaaq iyo Balanbal, kuwaas oo ku biiray shirka Cadaado oo muddo todobaad ah socda.
Ergadaan waxaa kala hogaaminayey Gudoomiyaha gobolka Galgaduud Xuseen Cali Weheliye Cirfo iyo Ugaaska daga wuqooyiga gobolkaas Axmed Barre Taakoow, iyadoo ay soo dhaweeyeen Gudi maamulka Ximan iyo Xeeb u xilsaaray soo dahweynta Ergooyinka shirka ka qeyb geleya oo isugu jira mas’uuliin ka tirsan maamulka, siyaasiyiin iyo xubo ka tirsan ururada bulshada rayidka ah.
Gudoomiye Cirfo oo warbaahinta la hadlay ayaa waxa uu sheegay in bulshada Mudug iyo Galgaduud looga baahan yahay inay sameeyaan abaabul ay ku xoojinayaan midnimadooda si ay ula jaan qaadaan gobolada kale ee nidaamka Federaalku ka hirgalay.
SAWIR QAADE Maxamuud Cabdi Diirshe
