Faah faahin dheeraad ah ayaa ka soo baxaysa qaraxa lala eegtay baska ay saarnaayeen cayaartooyda Kooxda JCCI, halkaasi oo inta la xaqiijiyay ay ku dhinteen afar ka mid ah cayaartooyda kooxda.
Wariyaha Warbaahinta Qaranka ee Kismaayo ayaa ku soo waramaya in qaraxa uu ahaa mid baska cayaartooyda Kooxda loogu xiray, isla markaana qarxay xilli uu gaariga jidka ka qaadayay ciyaartooy kale oo kooxda JCCI ka tirsan, waxaana dhaawacyada loo qaaday isbitaalada magaalada Kismaayo.
Ciyaartoyda ayaa waxa ay ku sii jeedeen garoonka kubadda cagta, halkaa oo la qorsheynayay in Madaxweyne ku-xigeenka Jubbaland uu ka daah furo tartan u dhexeeya kooxaha magaalada oo ku saabsanaa isdhexgalka bulshada
