Gaari walxaha laga soo buuxiyay oo sababay dhimasho iyo dhaawac ayaa ka dhacay Wadada Makka Almukarama ee Magaalada Muqdisho sida uu Warbaahinta Qaranka u Xaqiijiyay Afhayeenka Maamulka Gobalka Banaadir C/fitaax Cumar Xalane
Wariye Ismaaciil Muqtaar Cumar (Oronjo) oo goobta Masiibada ka dhacday gaaray oo lahadlay Saraakiisha Ammaanka ayaa SONNA u sheegay dhimashada 4 qof halka tirada ku dhaawacantayna ay ka badanyahay 10 kale .
Afhayeenka maamulka Gobalka Banaadir C/fitaax Cumar Xalane oo lahadlay Warbaahinta qaranka ayaa sheegau in Gaari Qarax uu ku xiranyahay uu ku Qarxay goob Super Market ah oo ku taala Jidka Maka Al-Mukarama ee Magaalada Muqdisho.
Qaraxan ayaa sidoo kale waxyeello soo gaarsiiyay Gawaaridii xiligaasi marayay meesha dhibaatada ka dhacday iyo dhismayaashii ka agdhwaaba.
Goobtaasi waxaa gaaray mas’uuliyiin iyo saraakiil katirsan dowladda Soomaaliya, waxaana durba bilowday howlgalo ay wadaan ciidamada amaanka ee halkaasi gaaray.
SONNA
