Faahfaahin dheeri ah ayaa kasoo baxayso qarax ka dhacay Maqaayad ku taal agagaarka wasaaradda Dhalinyaradda iyo Isboortiga , waxaana ay wararku sheegayaan in qaraxa uu ahaa gaari nuuca raaxada ah oo goobta lasoo dhigay.
Afhayeenka Gobolka Banaadir oo la hadlay Warbaahinta Qaranka ayaa sheegay in inta la ogyahay ay Shan ruux ku geeriyoodeen Qaraxa asagoo xusay in dhaawaca uu gaarayo ilaa Lix ruux.
Sidoo kale Saraakiisha Ciidamada Amniga ayaa bilaabay baaritaano la xiriiro gaari qarxay ayagoo halkaas ka bilaabay howlgalo ay ku xaqiijinayaan amaanka goobta.
