Baarlamaanka federaalka Soomaaliya ayaa maanta u fariisanaya ka doodista Hindise Sharciyeed shaqaala Ajaanibta Ah Kaasi oo Qeexaya Fursadaha Ubanaan Muwaadiniinta Iyo Dadka ajaanibta ah.
Xildhibaan Max’med Cumar Maxamuud hab-dhowraha Baarlamaanka oo la hadlay Radio Muqdisho ayaa sheegay in fadhiga baarlamaanka ee maanta looga Doodi doono Sharciga Shaqaalaha Ajaanibta ah.
“ Maanta waxaa jira kulanka baarlamaanka Ajandaha waxa uu yahay ka doodista Sharciga Ajaanibta kaas oo Wasaaradda shaqada iyo Arrimaha Bulshada ay soo diyaarisay Xildhibaannada ayaa fikirkooda ka dhiiban doona sharcigaan” ayuu yiri Habdhowraha baarlamaanka Xildhibaan Maxamad Cumar.
Xildhibannada ayaa talooyin ku soo kordhin doona Sharcigaan iyada oo la filayo in Baarlamaanka uu horyimaado Mas’uul ka socoda Wasaaradda Shaqada iyo Arrimaha Bulshada Xukluumadda Soomaaliya.
Sharcigaan ayaa siinaya shaqaalaha Soomaaliyeed fursado ay uga faa”iidaysan doonaan shaqada dalkooda taalla.
