Bahda faanka iyo Suugaanta ee dalka Kenya iyo Ustaad Axmed Naaji Sacad ayaa Caawa ummada Soomaaliyeed uga tacsiyeeyey geeridii shalay ku timid allaha u naxariistee Fanaankii Soomaaliyeed Maxamed Axmed Kuluc.
Ustaad Axmed Naaji Sacad oo ay isla soo shaqeeyeen Maxamed Axmed Kuluc ayaa ka sheekeeyay tariikh nololeedka iyo waxyaabihii ka yaqaanay allaha u naxariistee Maxamed Axmed Kuluc.
Dhamaan fanaaniintii iyo abwaaniintii goobta ka hadlay ayaa tacsi tiiraanyo leh u diray caruurtii,eheladii,asxaabtii iyo dhamaan ummada soomaaliyeed oo uu ka geeriyooday allaha u naxariistee Maxamed Axmed Kuluc.
Allaha u naxariistee Maxamed Axmed Kuluc oo shalay ku geeriyooday magaalada Hargeysa ayaa maanta lagu aasay isla magaaladaasi.
