Waddamada Finland iyo Sweden ayaa maanta oo Arbaca ah si rasmi ah u codsaday in ay ku biiraan Ururka NATO, taasi oo la filaayo in ay qaadato dhowr toddobaad.
Xubno kamid ah Qaramada Midoobay, ayaa soo dhaweeyay tallaabadan, iyagoo sheegay in ay jireen heshiisyo dhexmaray waddamada xubnaha ka ah NATO, si loo ballaariyo difaaca iyo isbahaysiga dalalka ku mideeysay NATO.
Wasiirka arrimaha dibadda Denmark Jeppe Kofod ayaa carabka ku adkeeyay in loo baahan yahay in sida ugu dhaqsiyaha badan loo bilaabo wada-hadallada iyo aqbalaada ku biiritaanka labadan dal.
Ra’iisul wasaaraha Sweden, ayaa si cad u sheegay maanta oo Arbaca ah in labada dal ay soo gudbiyeen codsiyadooda ku saabsan ku biiritaanka NATO.
