Gabdho Soomaaliyeed oo Dalka iyo dibada kala jooga oo isku xilqaamay garab-istaaga Ciidamada, ayaa Deeqo kala duwan soo gaarsiiyay Ciidamada Xoogga Dalka, Daraawiishta Galmudug iyo kuwa Deegaanka ee khawaarijta ka saaray Magaalada Bacadweyne iyo tuulooyinka hoos yimaada.
Deeqdaan lasoo gaarsiiyay geesiyasha dalka difaacaya ayaa iskugu jirtay,Cunooyin kala duwan ,Biyo iyo dhar ay ugu talagaleen Ciidamada Xoogga Dalka, Daraawiishta Galmudug iyo kuwa Deegaanka ee khawaarijta ka saaray Magaalada Bacadweyne iyo tuulooyinka hoos yimaada
Fartuun Cali Diiriye oo wakiil ka aheyd Gabdhahaas, ayaa Deeqdaan ku wareejisay Guddoomiyaha Guddiga Difaaca Koonfurta Gobolka Mudug Cabdimanaan Shiikh Maxamed Cismaan ,Guddoomiye ku-xigeenka Wisil Cabdi-garaad iyo Saraakiisha Ciidamada.
Guddoomiyaha Guddiga Difaaca Koonfurta Gobolka Mudug Cabdimanaan Shiikh Maxamed Cismaan, Guddoomiye kuxigeenka Wisil Cabdi-garaad iyo Saraakiisha, ayaa wadajir ugu mahadceliyay Gabdha Soomaaliyeed ee jooga Dalka iyo Dibada oo garteen inay garab istagaan wiilasha difaaca dalka iyo diinta ee joogo goobaha cadowga Khawaarijta laga xurreeyay.
