Wasiirka Shaqada, Shaqaalaha, Dhallinyarada iyo Ciyaaraha Dowlad Goboleedka Puntland mudane Jaamac Faarax Muuse ayaa qalabka ciyaaraha oo dhamaystiran ka guddoomay Ganacsade Cabdullaahi Sheekh oo uu ugu tala galay xulalka Gobollada Puntland ee ka qayb gelaya tartanka 8aad ee Ciyaaraha oo Garowe ka furmaya 1 bisha August 2021.
Ganacsade Cabdullaahi Sheekh ahna guddoomiye ku-xigeenka xiriirka kubadda Cagta Soomaaliya ayaa sheegay markuu arkay culayska saaran Xulalka gobolada iyo baahida ay u qabaan in laga caawiyo ayaa si shakhsi ah ugu deeqay qalabkan dhamaystiran xulalka Gobollada Puntland, sidoo kale wuxuu sheegay in go’aanka uu ku raacay guddoomiyaha xiriirka kuubada cagta Soomaaliyaa Cabdiqani Carab.
Kulankan ayaa waxaa goob joog ka ahaa Agaasimaha guud ee Wasaaradda Cayaaraha Puntland, Lataliyaha Madaxwaynaha Puntland arrimaha Ciyaaraha, Guddoomiyaha xiriirka kubadda Cagta Puntland iyo Madax kale oo ka tirsan xiriirka iyo Wasaaradda.
