Dalalka Brazil iyo Belgium ayaa ku wada ciyaaray garoonka Kazan arena kulankii ugu danbeyay oo garoonkaasi lagu qabto waxaana laga adkaaday dalka Brazil oo ku guuleystay koobka shan jeer tan iyo markii la bilaabay koobka 1930-kii waana dalka ugu badan ee koobka ku guuleystay laba gool iyo gool ayaana looga adkaaday dalka Brazil ayadoo markii labaad uu adkaaday Dalka Belguim shan kulan uu la ciyaaray Brazil markii ugu danbeysay uu ka adkaaday Belgium dalka Brazil ayeey ahayd 1963 kulan saxiiibtinimo oo ay ku wada ciyareen Caasimada dalkaasi ee Brussles Waana markii labaad oo dalka Belgium soo gaaro afar dhammaadka tartanka tan iyo sanadkii 1986.
Belgium oo aanan laga adkaan 24-kii kulan ee ugu danbeysay ayaa waxaa goolka uu ugu adkaaday Brazil Saxiixay Kevin De Bryune oo noqday ciyaryahankii 100 ee gool ka dhaliya koobka aduunka ee sanadkaan lagu ka socda dalka Ruushka ayadoo sidoo kale Belgium uu noqday dalkii ugu horeyay ee laba gool hal kulan ka dhaliya Brazil 30-kulan kadib waana markii afaraad oo is xigta oo dalka Brazil uu ku guuldareysto in uu ka adkaado dal ka soo jeeda qaarada yurub tartankana isaga haro 2006 France ayaa ka adkaatay 2010 waxaa qaarijisay Holland 2014 waxaa reebay Germany halka sanadkaan-na uu reebay Belgium dhamaan waxay ahayeen kuwa ku guuleystay koobka iyo kuwa gaaray kama danbeysta tartanka sidoo kale waa markii shanaad oo dalka Brazil uu ka haray koobka aduunka oo ay dhammaan dalalka isugu soo haray ay noqdeen dalal ka soo jeeda yurub.
Hadii aan dib ugu laabano garoonka Kazan Arena oo ay ku ciyaarto kooxda Ruben Kazan oo ka dhisan Horyaalka Ruushka ayaa mucjiso ku noqday dalalkii loo saadalinayay in ay ku guuleysan doonan koobka aduunka sanadkaan waxaana ka mid ahaa dalalka Argentina Spain Germany iyo Brazil dhammaan waxeey ku hareen garoonka Ruben Kazan kaasi oo ay ku ilmeeyen dhammaan tageerayashii dalalkaasi ku haminayay in ay ku guuleysan doonan koobka aduunka waxaana uu ahaa kulankii Brazil iyo Belgium kii ugu danbeyay ee lagu ciyaaray garoonka Kazan Arena maadama koobka uu yahay gabo gabo waana mid ka mid ah garoomada ugu quruxda badan kuwa lagu marti geliyay koobka aduunka ayadoo sidoo kale uu yahay garoonka Shaashada ugu weyn ay ku xiran tahay dhammaan garoomada aduunka ee lagu ciyaaro kubada cagta.
