Tan iyo markii uu qarxay dagaalka u dhexeeya Israa’iil iyo Xamaas, ayaa waxaa markii ugu horreysay marinka Qaza galay Gawaari sida badeecooyin Ganacsi.
Gaadiidkan oo siday xamuul kala duwan oo Ganacsi ayaa ka soo galay marinka Rafah ee xadka Masar, waxayna u soo gudbeen marinka Qaza.
Afhayeenka Wasaaradda arrimaha dibedda Maraykanka, Matthew Miller, ayaa ku macneeyey arrinkan tallaabo lagama maarmaan u ah nolosha dadka reer Falastiin ee ku sugan magaalada Qaza.
Miller wuxuu intaas ku daray in markii ugu horeysay Baabuur sida Badeecooyin gaarka loo leeyahay ay galaan Qaz ay ka dhigantahay rajo ka soo ifeysa xal laga gaaro dagaalka halkaasi ka socda, sidokale waxuu hadalkiisa sii raaciyay in furista marinka Rafax iyo soo gelitaanka Baabuurta sida badeecadaha Ganacsi ay sabab u tahay dadaallo diblomaasiyadeed oo muddooyinkii danbe halkaasi ka socday.
Soo galista Badeecoyinkan ayaa yimid xilli Qaramada Midoobay iyo hay’adaha kale ee caalamiga ah ay ka digeen cunto yari daran oo halkaasi ka jirta.
