Dowladaha Sweden, Franceย iyo Masar, ayaa Sabtidii,weydiistay gollaha ammaanka ee Qaramada midoobay in ay isugu yimaadaan kulan looga hadlayo xiisadda ka taagan magaalada Qudus Al shariif oo uu ku yaala Masjidul Aqsa.
Sadexdan dal,ayaa xubin ka ah golaha,” Codsiga golaha ammaanka ayaa looga gol leeyahay in looga hadlo sidii loo qaboojin lahaa xiisadda magaalada Qudus “, sidaa waxaa ย bartiisa Twitter ku qorey Carl Skau,oo ah afhayeenka ergada Sweden ee QM.
Related posts
Ma jiro war rasmi ah oo arintan ku aadan laakiin golaha ammaanka ayaa maanta oo Isniin ah la fileyaa in ay ka hadlaan.
Kooxda Russia u qaabilsan arimaha bariga dhexe, Mareykanka, Midowga Yurub iyo Qaramada midoobay ayaa sheegay in ay ka xun yihiin xiisadda ka soo cusboonaatay magaalada Qudus ee u dhexeysa xoogga Israa’il iyo shacabka Falastiin.
Xoghayaha guud ee Qaramada midoobay Antonio Guterres ayaa jimcihii si kulul u cambaareeyay rabshadaha u dhexeeya Falastiiniyiinta iyo ciidamada Yuhuuda. Isagoo sidoo kale dhaleeceeyay weerarada mindiyeynta ah oo ay qaadayaan Falastiiniyiinta kuwaas oo lagu diley sadex Israa’iiliyiin ah oo degan Daanta Galbeed ee dhulka la heysto.
Ugu yeraan ย 57 Falastiiniyiin ah ayaa lagu dhaawacay rabshadaha u dhexeeyay xoogaga Yuhuuda iyo dadka reer Falatiin oo ka dhacay banaanka Masajidka Aqsa, sida ay soo warisay Laant Qeerta Cas ee caalamiga ah.
Masajidka ayaa dib u loo furey kadib labo maalin oo uu xirnaa, maamulka Yuhuuda ayaa Masjidka Aqsa ku rakibey qalab dadka soo galaya lagu baaro, waxaana arintaas ka soo hor jeestay dadka Falastiiniyiintaย oo ku doodaya in ay bedeleyso qaabkii uu ahaa Masjidkaย isla markaana yareynaysa dadka Salaadaha ku dukanaya iyo kuwo kale oo soo booqanaya.
Hase ahaatee, Israel ayaa diiday in ay qalabkaas meesha ka qaado, waxayna sheegeen in ay u jeedku yahay xaqiijinta amnigaย Masjidka barakeysan ee Aqsa.
Magaalada Barakeysan ee Qudus ayaa waxaa ku yaala Masjidul Aqsa oo ah kan sadexaad uu ugu barakeysan guud ahaan Muslimiinta.
