Golaha Aqalka sare ee Baarlamaanka Federaalka Soomaaliya ayaa maanta magaalada Muqdisho ku yeeshay kulanka 11-aad kalafadhigiisa 5-aad ee Golaha Aqalka sare.
Guddoomiyaha Golaha Aqalka sare Senator Cabdullaahi Cabdi Xaashi ayaa shirguddoominayay kulanka maanta oo ajendihiisu ahaa Akhrinta 2-aad ee hindise sharciyeedka xuquuqda Siyaasiyiinta Dowladda.
Senator, Bilaal Idiris Cabdullaahi, Xoghayaha Guddiga Xeer Hoosaadka, Anshaxa , Xasaanadda iyo Daryeelka Sanataradda ayaa sharaxaad ka bixiyay Hindise Sharciyeedkan iyo muhiimada uu lee yahay.
Qaar ka mid ah Senatarada ayaa fikirkooda ka dhiibtay akhrinta 2-aad ee Hindise sharciyeedka Xuquuqda siyaasiyiinta Dowladda.
Fadhiga waxaa soo xiray, Guddomiye ku-xigeenka 1-aad ee Aqalka Sare Senator, Abshir Maxamad Axmad (Bukhaari) Waxa uu sheegay in Hindise sharciyeedkan ay jiraan Hindise sharciyeedyo ka mudan in la soo horumariyo balse guddiga ku howlan Hindise sharciyeedkan looga baahan yahay in shaqadooda gutaan.
Waa Akhrinta 2-aad ee Hindise sharciyeedka Xuquuqda Siyaasiyiinta Dowladda,iyadoo uu ka soo gudbay Golaha Shacabka Baarlamaanka Federaalka Soomaaliya.
