Guddoomiyaha Golaha Aqalka ee Baarlamaanka Federaalka ah Soomaaliya Cabdi Xaashi Cabdullaahi ayaa uga tacsiyadeeyay bulshada Soomaaliyeed, fanaaniinta iyo Ehelada geeridii ku timid Allaha u Naxariistee Khadiijo Cabdullaahi Nuur Dalleys oo ku geeriyootay dalka Canada.
Guddoomiyaha ayaa sheegay in ay horey u soo wada shaqeeyaan Marxuumadda, xilli uuu ahaa Maareeyaha Golaha Murtida iyo Maddadaalada, waxaana uu uu soo jeediyay in Marxuum Khadiijo Cabdullaahi Nuur Dalleys loo sameeyo aas Qaran, isla markaana lagu aaso dalkeeda Hooyo ee Soomaaliya.
