Kalfadhiga labaad kulankiisa 34-aad ee Mudanayaasha golaha Shacabka waxaay ugu horeyn u codeeyeen Xildhibaan hore Muumina Sheekh Cumar oo ka mid noqoneysa gudiga Madaxa banaan ee la socodka iyo dib u Eegista Dastuurka Dalka,waxaana ogolaatay 158 mudne oo ka mid aheyd 159-ka xildhibaan fadhiga maanta soo xaadiray waxaana diiday hal mudane mana jirin cid ka aamustay sida uu natiijada codeynta uu ugu dhawaaqay Gudoomiyaha golaha Shacabka Mudane Maxamed Sheekh Cusmaan Jawaari oo kulanka shir gudoominayay
Xildhibaan hore Muumina Sheekh Cumar ayaa uga mahad celisay Mudanayaasha Golaha shacabka sida kalsoonida ee ay codkooda u siiyeen
Xilhibaanada golaha shacabka ayaa maanta sidoo kale waxa loo qeybiyay Warbixinta wax ka bedelka Xeer Hoosaadka Golaha shacabka ,waxaana golaha u faah faafiyay Xildhibaan Maxamuud Macalin Yaxye oo ah gudoomiyaha gudiga xeer hoosaadka ee golaha shacabka
Gudoomiyaha golaha shacabka oo kulanka soo xiray ayaa faray gudiga garsoorka ee golaha shacabka in iyagoo kaashanaya wasaaradda cadaalada ay golaha hor keenaan warbixintii ugu dambeysay ee dhismaha gudiga adeega garsoorka,isagoo sidoo kale gudiyada kale ee golaha faray in kulanka gudiyada joogtada ah uu hor keenaano gudi walba qorshihiisa inta kalfadhigan ka dhiman
