Mudanayaasha Golaha Shacabka ee Baarlamaanka Federaalka Jamhuuriyadda Soomaaliya ayaa lafilayaa in maanta ay soo geba gebeeyaan dhageysiga khudbadaha musharixiinta u taagan xilka guddoomiyaha Golahaasi.
Xubnaha maanta soo bandhigaya barnaamijyadoodi siyaasadeed ayaa waxaa ay kala yihiin.
1 Xildhibaan Iimaan C/llaahi Nuur
2- Xildhibaan Maxamed Sh. C/raxmaan Mursal
3- Xildhibaan Shariif Maxamed Cabdalla
4- – Xildhibaan Shariif Sheekhunaa Maye
5- Xildhibaan Maxamud Macalin Yaxye.
Maalintii shalay ayaa waxaa xildhibaanadu ay dhageysteen khudbadaha ilaa 6 musharax oo xilkaasi u taagan,kuwaasi oo qofkasta uu soo bandhigayay siyaasadiisa xambaarsan waxqabadkiisa hadii uu ku guuleysto qabashada xilka guddoomiyaha Golaha Shacabka.
Guddiga qaban qaabada doorashada guddoomiyaha Golaha Shacabka ayaa galidoona khudbadaha ka dib maalmo is xog wareysi iyo nasiino ah,iyadoo la isku diyaarinayo doorashada guddoomiyaha Golaha Shacabka oo sida la qorsheeyay dhici doonta 30 April oo ku began Isniinta soo socota,sida ku cad jadwalka habraaca doorashada ee uu horey guddigu u soo saaray.
