Shir Caawa Xarunta Madaxtooyada Galmudug ee Magaalada Gaalkacyo ay ku yeesheen Golaha Wasiirada Dowlad Gobaleedka Galmudug isla markaana uu Shir Gudoominayay Madaxweyne Cabdilkariin Xuseen Guuleed ayaa waxaa looga hadlay arrimo ay ka mid yihiin Amaanka, Dib u furista Dekada Hobyo iyo waxa u qabsoomay Wafidiga uu hoggaaminayay Madaxweynaha Galmudug oo mudooyinkii dambe ku sugnaa magaalada Gaalkacyo.
Golaha Wasiirada Dowlad Gobaleedka Galmudug ayaa isla qiray in wax badan ay ka qabatay dowladda magaalada Gaalkacyo maadaama beelaha gobolka Mudug hubkooda iyo Ciidamadooda ay ku soo wareejiyeen Dowlada si loo qarameeyo.
Sidoo kale, Golaha Wasiirada Galmudug ayaa sheegay in tilaabo laga qaadi doono cid kasto oo jidgooyo Sharci dara dhigata deeganada Galmudug islamarkana Gaariga iyo Hubka ay dowladda si xoog ah ugula wareegeyso cidii Isbaaro dhigata, cidii lagu dilaana Isbaaradaasi oo maleeshiyo ah aan qofna loo heysan lagalana wareegi doono hubka ay heystaan.
