Shir ay isugu yimaadeen Golaha Wasiirrada Dowladda Itoobiya ayaa waxaa ay xaalad deg deg ah ku soo rogeen dalkaasi,maalin kaddib markii uu is-casilaadisii gudbiyey Ra’iisul Wasaare Hailemariam Desalegn.
Go’aanka Golaha Wasiirada ayaa in uu yamay mid la doonayo in lagu xasiliyo dalka oo ay ka jiraan qeybo kamid ah xiisado siyaasadeed ee u dhexeeya qaar kamid ah Qowmiyadaha dega Dalkaasi Itoobiya.
Hailemariam Desalegn Ra’iisul Wasaarihii hore ee Itoobiya ayaa sheegay in iscasilaaddiisa ay muhiim u tahay si wax looga qabto cabashooyinka dawladda lagaga soo horjeedo oo dad badan ay ku dhinteen, kuwa kale oo badanna ku dhaawacmeen.
Ka hor inta uusan iscasilin Hailemariam Desalegn ayaa dalkaasi waxaa ka taagnaa bannaan baxyo rabshada wata oo ay dhigayeen qar kamid ah bulshooyinkaasi oo qabay tabashooyin badan.
Dadka sameynayay bannaan baxyadaasi ayaa intooda badan ka socday gobollada Oramada iyo Amxaarada, iyadoo kuwii ugu dambeeyayna ay ku dhinteen 10 qof tira kaalana waa ay ku dhaawacmeen.
