Maamulka Gobolka Banaadir ayaa amar ku bixiyay in la xiro dhammaan goobaha lagu isticmaalo wax-yaabaha Anshaxa liddiga ku ah.
Wareegto ka soo baxday xafiiska Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale ayaa lagu sheegay in maanta oo ku beegan 24ka bisha April gabi ahaanba la xiray goobaha lagu iibiyo waxyaabaha maanka dooriya iyo kuwa ka fog anshaxa.
Afhayernka Maamulka Gobolka Banaadir Saalax Xasan Cumar oo Warbaahinta kula hadlayay xarunta dowladda Hoose ee Xamar ayaa tilmaamay in maamulka Gobolka Banaadir uu diyaar u yahay ilaalinta xuquuqda bulshada Caasimadda, isla markaana ay ka go’antahay ka hortaggidda waxkasta oo lid-ku-ah anshaxa.
