Kormeerakan uu hogaaminaaye Ku-simaha Guddoomiyaha Gobalka Banaadir ahna Ku-xigeenka dhanka Maamulka iyo Maaliyada Mudane Ismaaciil Macalin Cabdi Guure ayaa waxaa ku wehlinaaye guddoomiye ku-xigeenka dhanka Siyaasadda iyo Amniga ee Gaobalka banaadir Maxamed Axmed Diiriye Yabooh kaas oo ay ku tageen Xarumaha uu Maamulka Gobalka Banaadir u asteeyay in lagu bixiyo ama ay dadweynaha Soomaaliyed ee Muqdisho kunool ay ka qaatan kaarka aqoonsiga dhalashada Dowlada Hoose ee Xamar.
Xarunta Taliska ilaalada Deegaanka Xamar, Degnooyinka Shibis, Howl Wadaag, iyo Wadajir oo ah goobaha loo qorsheeyay in bulshada ay ka qaatan Aqoonsiga Dhalashada Dowlada hoose ee Xamar ayey masuuliyinta booqden iyagoo ku bogaadiyay Howl Wadeenada ka howl gala Xafiiyada kaarka dhalashada iyo Maamulka degmada in ay dar dar galiyaan abaabulka ay ku wacyi galinaayan shacabka in ay qaatan aqoonsigaasi.
Afhayeenka Maamulka Gobalka Banaadir oo kormeerka kaddib lahadlay Warbaahinta Qaranka ayaa sheegay in ujeedka kormeerka uu yahay sidii ay ugu kuurgeli lahaayeen halka ay mareyso qaadashada kaararka aqoonsiga.
“Degmooyinka uu kusimaha kormeeray ayaa loogu tala galay in lagu bixiyo kaarka aqoonsiga dhalashada oo lagu cadeynayo qofka muwaadinka ah, waxaana maamulka Gobalka uu ka doonaya dadka Soomaaliyed ee ku nool magaalada Muqdisho ay is diiwan geliyaan oo ay qaatan kaarkaasi qofkii aan qaadanin, waxaa ku adkaaneysa in uu ganacsado in uu garoonka ka dhoofo” ayuu yiri Afhayeenka.
Intaasi kadib masuuliyiinta Maamulka Gobalka Banaadir ayaa booqday Dhismaha Cusub ee uu ku shaqeyn rabo Ururka Dhallinyarada gobalka Banaadir oo haatan ay ku socoto dib u dhis iyo qalabeen.
Sawir Qaade:- Asad Jabiiba
