Madaxweynaha maamul goboleedka Puntland Cabdiweli Maxmed Cali Gaas ayaa maanta kormeer howleed ku tegay goobihii dhawaan bur burinta lagu sameyey ee magaalada Gaalkacyo waxaa ku wehliyaay qaar ka mid ah Wasiirada iyo Xildhibaanada Puntland, iyo xubno kale, waxaana uu kormeeray goobihii ganacsiga ee dhawaan la bur buriyay.
Intii ay kormeerka ku jireen waxay indho indheeyeen sida ay tahay meelaha laga bur buriyay ganacsatada, maadaama xarunta ay ahayd dhismaha bankigii dhexe.
Related posts
Dr Cabdiweli Maxamed Cali Gaas ayaa warbixin ka dhagaysaty dadkii gacanta ku hayay xaruumahasi, uguna Mahadceliyay sida ay diyaarka ugu yihiin inay wareejiyaan.
Talaabada ayaa horseedeysa in fursad loo helo dib u howlgelinta xaruumihii danta guud oo mudadii dalka uu bur bursanaa ay deegaansanayeen dad shacab ah, isla markaana qeyb ka qaadan karta bilicda magalada Gaalkacyo ee xaruunta gobolka Mudug.
