Rabshado Lagu Boobayo Goobaha Ganacsiga Dadka Ajaanibta ah ku leeyihiin Deegaano hoos yimaada magaalada Johannesburg ayaa maalintii afaraad ka socda halkaasi, ayada oo ilaa 80 Dukaan oo ay leeyihiin Dadka Ajaaibta ah halkaasi Lagu Boobay.
Maalmahii lasoo dhaafay ayaa waxaa deegaanka Soweto ee dhaca duleedka magaalada Johannesburg waxaa ka socday rabshado lagu boobay goobaha ganacsiga dadka ajaainbta ah ku leeyihiin deegaankaasi kadib markii Ganacsade Bakistani ah uu dil u geystay wiil 14 Jir Konfur Africaan ah oo sida la sheegay ka mid ahaa Koox Dhalinyaro ah oo isku abaabulay in ay dhac u geystaan goobta ganacsiga mid kale na uu dhaawac soo gaaray.
Dadka deegaanka oo arintaasi aad uga xumaaday ayaa waxaa la sheegay in ay bilaabaan rabshado abaabulan oo lagu boobayo goobaha ganacsiga ee dadka ajaanibta ah ku leeyihiin deegaanka Saweto waxaana muda ay socdeen rabshadahaasi ay dadka deegaanka boobeen ku dhawaad 100 dukaan kuwaa oo qaar kood dab la qabad siiyay.
Saraakiisha Ciidamada amaanka deegaankaasi ayaa sheegay in xaalada ay faraha ka baxday balse ay helaan gurmad ciidamo ah oo uga yimid deegaanada gobolka Gueteng si xaalada loogu soo celiyo balse ay suura gali waysay waxaana ay sheekeen in dadka Ajaanibta ah ay ku caawiyeen in si nabad ah ay halkaasi uga baxaan lana geeyo saldhig yada police-ka.
Inta ay Socdeen Rabshadaha waxaa ku dhintay ilaa saddax ruux oo qar kooda xabad lagu dilay waxaa sido kale ku jiray nin 74 sano jir una Dhashay dalka Malawi in Xilli saq dhaxe loogu galay goobtiisa ganacsiga kadibna nafta looga qaaday budad iyo biro kadibna qaar ka mid ah xubnahiisa dab lagu gubay.
Ilaa 130 ruux oo la xariirinayo in qalaalaasaha u dhaxeeya dadka deegaanka iyo ajaanibta ay ka dambeeyeen ayaa la xer xeray waxaana ku jira 8 ruux oo ajaanib ah afar ka mid ahna ay yihiin soomaali kuwaa oo lagu qabtay hub sharci daro ah oo ay ku difaacayeen naftooda iyo hantidooda.
Taliyaha Police-ka gobolka Gueteng ayaa uga digay ciidamada police-ka in ay qeyb ka noqdaan dadka boobaya hantida dadka ajaanibta ah kadib markii baraha internetka lagu baahiyay muuqaal laga duubay sargaal police ah oo labisnaa dareska ciidamada in uu qeyb ka ahaa dad alaabo ka qaadanayay goob ganacsi oo shacabka ay boobayeen.
Waxaa kale oo warbaahinta qaar ee gudaha south afric ay soo bandhigtay in deegaanada qaar ay rabshadaha ka socdaan booliska ay faraha ka laabteen shaqadii loo igmaday taa badalkeedana ay indhaha ka daawanayeen waxaana ay keentay in madaxda hey’ada iyo ururada kala duwan ee ka jira dalka ay aad uga caroodaan .
Ururada shaqaalaha hey’ada xaquuqda aaadanaha Madaxda Gobolka Gueteng Xisbiyada Siyaasada ururada qaxootiga ee ka jira gudaha dalka South Africa ayaa si isku mid ah u cambaareeyay falalka lagu weerarayo dadka ajaanibta ah waxaana ay xuseen in dadka ajaanibta ah ay qeyb ka qaataan horumarka dhaqaalaha dalka south Africa waxaana ay ugu baaqeen madax dhaqameed yada iyo Madax Diimeed yada in Arintaan gacan ka geystan sidii xaalada loo dajin lahaa ayaga oo ka codsaday dowlada South Africa in ay si rasmi ah wax uga qabato falalka noocaan ah ee kusoo lab laabtay gudaha dalka south Africa tan iyo waxii ka Dambeeyay sanadii 2008-da oo dalka south Africa ay ka dhaceen rabshadahii jinsi Naceybka ahaaa.
Xaalada ayaa hada dagan waxaana jira kulamo gooni gooni ah oo shacabka ay la qaadanayaan madaxda gobolka kuwa diimaha iyo qaar ka mid ah ururda siyaasada sidii loo xakameyn lahaa rabshadahaasi isla markaana xaalada loogu soo celin lahaa sidii hore .
C/laahi Maxamuud Amiin:C/laahi Qorshe:
Cape Town South africa
