Guddiga Amniga Qaranka oo kulan ku yeeshay caawa magaalada Muqdisho ayaa soo saaray awaamiir ku aaddan amniga caasimadda iyo Howlaha Dekedda Muqdisho.
Madaxweynaha J.F.S Mudane Maxamed Cabdullaahi Farmaajo ayaa isugu yeeray guddiga Amniga Qaranka, si looga jawaabo cabashooyin ka yimid shacabka caasimadda, dood dheer oo ay yeesheen guddiga kaddib waxa ay soo saareen qodobbada soo socda.
Related posts
Guddiga waxa uu falanqeyn iyo doodo kaddibย ย boggaadiyey ciidammada amniga sida ay uga jawaabbeen ficillada argagixisada, isla markaana ay u hor joogsadeen nabad-diidka oo doonayey in ayย ย shacabka masaakiinta ah u geystaan khasaare xooggan.
Guddiga waxa uu tacsi u diray dhammaan shacabka Soomaaliyeed ee ku waxyeeloobey falalkii u dambeeyey ee Argagixisada Al-shabaab ka geysteen magaalada Muqdisho.
Iyadoo si dhaqsi leh looga jawaab celinayo cabashada shacabka Guddiga Amnigaย ย Qaranka ayaaย ย goโaamiyey in muddo 48 saacadood ah lagu furo waddooyinka xiran sidaย ย Soddonka, Maka Al-mukarramma, Afisyooni iyo kuwa kale ee la midka ah, ciidammada amniguna ay gutaan waajibaadka ka saaran ilaalinta iyo xasllinta nabadgelyada caasimadda.
Guddigu waxa ay ku amreen Wasaaradaha, Maaliyadda, Gaadiidka,ย ย ย iyo maamulka gobolka Benaadir in ayย ย dib u eegis ku sameeyaan hannaanka isticmaalka waddooyinka caasimadda, iyadoo ay sii kordheen tirada Gaadiidka iyo Bajaajyada ee soo galeysa Gobolka Benaadir.
Sidoo kale Guddiga ayaa isku raacay in Xafiiska Raโiisul Wasaaraha, Wasaaradaha Maaliyadda, Dekedaha, Amniga iyo Maamulka gobolka Benaadir la yimaadeenย sida ugu dhaqsiyaha badan qorshe 24-saac ku shaqeyn karto Dekedda Muqdisho, tan oo ka jawaabeysa baahiyaha Ganacsi eeย ย ay qabaan Ganacsatada Soomaaliyeed.
