Guddiga arrimaha dibadda ee Golaha Shacabka Baarlamaanka Federaalka Soomaaliya ayaa maanta xarunta Villa Hargeysa ee Muqdisho kula kulmay wasiirka wasaaradda arrimaha dibadda Xukuumada Soomaaliya mudane Axmed Ciise Cawad.
Guddiga ayaa wasiirka su’aalo ka weydiiyay shaqooyinka wasaaradda, shaqooyinka la xiriira arrimaha dibadda ee Soomaaliya iyo iyo warbixintii uu dhawaan daabacay Wargeyska New York Times ee la xiriirtay Qaraxii magaalada Boosaaso.
Guddoomiyaha guddiga arrimaha dibadda ee Golaha Shacabka Xildhibaan C/qaadir Cosoble Cali oo kulanka shir guddoominaayay ayaa sheegay in Wasiir Cawad wax badan ka weydiiyeen howlaha Wasaaradda arrimaha dibada & arrimaha diblomaasiyadda, isagoo sheegay in kulankan uu qeyb ka ahaa Barnaamijka isla-xisaatanka ee Dowladda.
Dhanka kale, Guddiga Miisaaniyadda, Maaliyadda, Qorsheynta iyo La-xisaabtanka Hay’adaha Dowladda ee Golaha Shacabka Baarlamaanka Soomaaliya ayaa maanta kulan kula yeeshay Xurunta Villa Hargeysa xubno ka socda Midowga Yurub (EU).
Kulankaas ayaa ajendihiisu wuxuu ahaa la kulanka Midowga Yurub, waxaana shir guddoominaayey kulankaas Goddoomiyaha Guddiga Mudane xildhibaan Maxamuud Cabdullahi Siraaji.
Sawirada hoose ku xusan waa kulanka Guddiga Miisaaniyadda, Maaliyadda, Qorsheynta iyo La-xisaabtanka Hay’adaha Dowladda ee BJFS.
