Guddiga Madaxa Banaan ee dib u heshiisiinta Qaranka ayaa ku baaqay in si deg deg ah loo joojiyo dagaalka ka soo cusboonaaday deegaanno ka tirsan dowlad Goboleedka Hirshabeelle, gaar ahaan Agagaarka Xaaji Cali iyo Caddow Uul ee Gobolka Shabeelaha Dhexe oo ay ku dagaalamayaan beelo walaalo ah ooo wada degan deegaannadaas.
Bayaan uu soo saaray guddiga ayaa lagu yiri โGddiga Madaxa Banaan ee dib u heshiisiinta Qaranka waxa uu ku baaqayaa in xabadda la joojiyo, lana bilaabo wada hadalo nabadeed oo la isugu yimaado si loo baajiyo in dhiig dambe ku daato deegaanka, waxaa kale oo Guddigu ugu baaqayaa dhamaan Masโuuliyiinta Heer Qaran, Dowlad Goboleed, Waxgaradka iyo Odoyaasha dhaqanka deegaannada lagu dagaalamayo inay kaalinta ugu muhiimsan qaataan, una kacaan sidii loo heli lahaa xasilooni iyo Nabad Gobolka ka dhacdayโ.
Related posts
Guddiga ayaa xusay in dagaalkan uu ku soo aaday xilli adag oo uu dalka ku jiro dagaal ka dhan ah Khawaarijka Al-Shabaab, isla markaana uu ka socdo deegaannada ay hadda ku dagaalameen dadka Walaalaha ah, lana fileyn in xoogaggii la rabay inay u wada jiraan dagaalka uu dhexdooda ka soo cusboonaado dagaal.
