Guddiga Difaaca ee Golaha Shacabka BJFS ayaa xarunta Guddoonka iyo Guddiyada ee Villa Hargeysa ku yeeshay kulan, kaas8 oo uu shir Guddoominayey Guddoomiye ku-xigeenka Guddiga Mudane Xildhibaan Cabdirisaaq Xasan Axmed (Dhookir)
Ajendaha kulanka ayaa ahaa la kulanka Wasiir ku-xigeenka Wasaaradda Gaashaandhiga Mudane Cabdifataax Qaasim Maxamuud iyo Taliye xigeenka Ciidanka Xoogga Dalka Soomaaliyeed Sareeye Guuto Cabaas Amiin Cali.
Related posts
Ugu horeeyn Guddiga Difaaca ayaa waxay bogaadiyeen howsha fiican ee Ciidanka Xoogga Dalku ku howlan yihiin, waxayna dhiiri gelinayaan garab istaagna u muujinayaan Ciidanka Xoogga Dalka ee muddada dheer ka dib ku guulaystay in uu cadowga ka xoreeyo goobo badan oo ay ku sugnaayeen.
Sidoo kale waxa ay iska xog waraysteen, xaaladda dalka, dadaalada ciidanka xoogga dalku ku jiro, cirib tirka khawaariijta, guulaha la gaaray, goobaha la xoreeyey, caqabadaha taagan iyo dhamaan howlaha ciidanka Xooga dalka.
Ugu dambayntii, Guddigu wuxuu ugu baaqayaa dhamaan umadda Soomaaliyeed, in aan nabad gelyo la helayn, horumar aanu imanayn, in aan la gaarayn barwaaqada aan ku naaloonayno, inta cadowgu ku sugan yahay hal taako oo dhulka Soomaaliyeed ah.
Sidaa darteed waa in aan dhamaanteen u tafo xaydanaaa cirib tirkooda, garab istaagnaa Madaxwaynaha Qaranka.
