Guddiga Doorashadda Madaxweynaha JFS ayaa Shaaciyay in laga wareejiyay dugsiga tababarka ciidamada Boliiska Jen Kaahiye oo lagu waday in ay ka dhacdo doorashada madaxweynaha, kaddib cabsho ka timid qaar ka mid ah musharraxiinta u tartamaya xilka madaxweynaha..
Guddoomiyaha Guddiga Doorashada maxaweynaha Cabdiraxmaan Ducaale Beyle oo saxaafadda la hadlay ayaa sheegay in guddigooda ay isbaddal ku sameeyeen halkii lagu qaban lahaa doorashadda kaddib cabasho ka timid qaar ka mid musharrixiinta.
Xildhibaan Beyle ayaa sheegay in guddiga doorashadda ay go’aamiyeen doorashadu in ay ka dhacdo Xarunta Afisyooni ee ciidamada Cirka, halkaa soo u dhaxeysa garoonka diyaaradaha Aadan Cadde iyo Dugsiga Tababarka Booliska ee Jen Kaahiye.
“Labada Goobood ee Xarunta Booliska iyo Afisyooni, waxay ahaayeen A iyo B, waxayna u badan tahay in B la tago oo ah Afisyooni, labadaas meel waxba maku kala duwana”ayuu yiri Cabdiraxmaan Ducaale Beyle oo u warramay VOA.
Doorashada madaxweynaha jamhuuriyadda Federaalka soomaaliya ayaa lagu wadaa in ay dhacdo 8 bishaan.
