Guddoomiyaha Guddiga Doorashooyinka Koonfur Galbeed Mudane Yuusuf Cabdulqaadir Maxamad ayaa Radio Muqdisho uga waramay qabanqaabada Doorashada Golaha Shacabka sida ay u socoto iyo kulamada ay yeelanayaan Guddiyada doorashooyinka heer Federaal iyo heer dawlad Goboleed.
Mudane Yuusuf Cabdulqaadir Maxamed ayaa tilmaamay in 1da bisha soo.socoto la xareyn doono ergada ka qeyb qaadaneyso doorashada Golaha Shacabka, isla markaana ay si rasmi ah u guda geli doonaan doorashada, haatanna ay guddiyadu ku howlanyihiin diyaarinta jadwalka doorashada.
Guddoomiyaha Guddiga Doorashooyinka Koonfur Galbeed Mudane Yuusuf ayaa xusay in wafdi uu hogaaminayo Guddoomiyaha Guddiga Hirgelinta Doorashooyinka Heer Federaal ay gaareen Baydhabo, kuwaasi oo uu ujeedka socdaalkooda ku sheegay u kuur-gelidda hanaanka ay Guddiga Koonfur Galbeed u shaqeeyaan.
