Gudiga doorashooyinka madaxa banaan ee Qaranka Soomaaliyeed Iyo Dowlad Goboleedka Puntland ayaa isku afgartay in Xafiiska Guddiga doorashooyinka madaxabanaan laga furo caasimada Puntland ee Garoowe kadib safar shaqo oo 5 beri qaatay.
Gudiga doorashooyinka madaxa banaan ee Qaranka Soomaaliyeed ayaa dardargelinaya shaqooyinkooda Gobolada Dalka si doorasho qof iyo cod ah ay uga dhacdo soomaaliya 2020ka Waxayna dowlad goboleedyada kala shaqaynayaa sidii ay uqaban lahaayeen doorashooyinka madaxtinimo
Guddiga doorashooyinka ayaa qaatay shaqaalaha xafiiska ay garoowe ku yeelanayaan oo ah kuwo qirbad uleh doorashooyinka oo kasoo kala shaqayey Ururada Bulshada Rayidka ah Dowlada Soomaaliya iyo Dowlad Goboleedka Puntland Kuwaasi oo loogu talagalay iney ka qayb qaataan wacyigelinta iyo diiwaan gelinta dadweynaha Soomaaliyeed ee codkooda dhiibanaya.
Gudoomiyaha Gudiga doorashooyinka madaxa banaan Xaliimo Yarey oo warbaahinta kula hadashay Garoowe waxay sheegtay iney xooga saari doonaan sidii muwaadiniinta Soomaaliyeed Codkooda gacantooda loogusoo celin lahaa oo ay iyagu u doortaan cidda hogaanka dalka qabanaysa.
Gudoomiyaha Gudiga doorashooyinka madaxa banaan xaliimo yarey oo ka hadlaysay doorashada puntland ee 2019 ayaa isimada dhaqanka Puntland ugu baaqday iney soo xulaan xildhibaano daacad ah oo metelikara dadka soomaaliyeed ee kunool gobolada puntland si horay loogu socdo.
Gudigga doorashooyinka Qaranka Soomaaliyeed ayaa booqashooyinkuwan lamida kutegaya Dowlad Goboleedyada kale ee dalka si caasimadohooda looga furo Xafiisyada ay gudiga doorashooyinku kushaqeeyaan.
Mohamed Muse Tarsan
