Guddoomiyaha Guddiga Hirgelinta Doorashooyinka Heer Federaal iyo Guddi hoosaadka amniga ee Guddiga Hirgelinta Doorashooyinka Heer Federal oo wada diyaar garow xooggan oo la xiriira sugidda amniga doorashooyinka dalka, ayaa caawa kulan miro dhal ah oo diiradda lagu saarayay sugidda iyo xaqiijinta amniga doorashooyinka la qaatay Guddiga Amniga Doorashooyinka heer Qaran, kaas oo uu guddoomiye u yahay taliyaha ciidamada booliska Soomaaliyeed, Sareeyo Gaas Cabdi Xasan (Xijaar).
Kulanka ayaa la isku afgartay in la xoojiyo wada shaqeynta labada dhinac, waxaana uu Taliyaha Booliska balan qaaday inay xoogga saarayaan sidii ay doorashada ku qabsoomi lahayd mid amni ah, ayna noqon doonto doorashooyin xor yo xalaal ah oo si nabdoon ku qabsoonta.
