Gudigga Joogtada ah ee baarlamaanka Soomaaliya ayaa maanta go’aamiyaay xilliga Baarlamaanka la horkeenayo Xukuumadda, si codka kalsoonida ah loo siiyo, iyadoo dhanka kale guddoomiyaha baarlamaanka lagudoonsiyaay shahaado sharaf uu ku mutaystay dhowrista Afka Soomaaliga.
Kulankaani oo uu shir guddoominayay Mudane Maxamed Sheekh Cismaan Jawaari Guddoomiyaha baarlamaanka Federaalka ah ee Soomaaliya, iyadoo ay ka soo qeyb galeen guddoonka guddiyada joogta ah ee Baarlamaanka intooda badan, waxaana ajandayaasha ay ka hadleen uu ahaa in la mudeeyo xilliga Xukuumadda la horkeenayo Barlamaanka oo ay go’aamiyeen in maalinimada berri ah oo ay taariikhdu ku beegantahay 9-ka bisha Febraayo ee 2015 in la horkeenno Xukuumadda Ra’iisul wasaare Cumar Cabdirashiid.
Sidoo kale waxa ay guddiga ay go ‘aamiyeen ansixinta guddiga madaxa banaan ee doorashooyinka, isla markaana la qabto maalinta Talaadada ah oo ay taariikhdu ku beegantahay 10-ka bishan, waxaana ay guddi soo hadal qaadeen in la soo bandhiga arrimaha dhaxal celinta siyaasadda dhul badeedka Soomaaliya, iyadoo ay guddiga hor yimaadeen Xeer ilaaliyaha Qaranka iyo Guddoomiyaha Hay’adda horumarinta badaha Soomaaliyeed.
