Kulanka gudiga joogtada ah oo ka dhacay xarunta Gudoonka iyo Gudiyada ee Villa Hargeysa ayaa waxaa lagu ansixiyay Qaraar kasoo baxay gudiga joogtada ah ee golaha shacabka oo ku aadan Codsigii kasoo baxay xeer ilaaliyaha guud ee Qaranka kaasoo ku aadanaa in xasaanada laga qaado laba Xildhibaan oo ka tirsan mudanayaasha Golaha Shacabka.
Sidoo kale gudiga joogtada ah ee Golaha Shacabka ayaa ka hadlay waqtiga ay fasaxa kasoo laabanayaan Xildhibaanada Golaha islamarkaana uu dib u furmayo Kalfadhiga sedaxaad ee golaha shacabka sida uu Warbaahinta Qaranka u sheegay Gudoomiye kuxigeenka labaad ee Golaha Shacabka Mudane Mahad C/lla Cawad.
Gudiga joogtada ah ee golaha Shacabka ayaa kulanka maanta ay yeesheen waxa uu ahaa kii ugu dambeeyay waxaana ay dib isugu soo laaban doonaan marka la gaaro 15-February ee sanadka 2018-ka Β isla bishaas dhexdeeda oo uu furmi doono kalfadhiga sedaxaad ee golaha shacabka.
