Kulanka oo uu shir guddoominayay guddoomiyaha golaha shacbaka JFS Mudane Maxamed Mursal Sheekh Cabdiraxmaan sidoo kalena uu goob joog ahaa gudoomiye ku xigeenka koowaad ee Golaha Shacabka Mudane Cabdiwali Sheekh Ibraahim Muudey,waxa uu Guddiga joogtada ah ee Golaha Shacabka uu la qaatay Gudiga Madaxa banaan ee dib u Eegida iyo Hirgelinta Dastuurka.
Guddiga Madaxa banaan ee dib u Eegida iyo Hirgelinta Dastuurka ayaa gudiga joogtada ah ee Golaha Shacabka usoo bandhigayay warbixin ku saabsan waxqabadka gudiga iyo intii la aas aasay qaabka ay u shaqeynayaan iyo kulamadii shaqo oo ay yeesheen,sidoo kale gudiga faah faahin ka bixiyay wada shaqeynta ay la leeyihiin gudiga la socodka iyo dib u eegista dastuurka ee Baarlamaanka Dalka sida uu sheegay guddooomiyaha gudiga madaxa banaan ee dib u eegisa iyo hirgelinta dastuurka Dr Maxamed Daahir Afrax.
Xubnaha guddiga joogtada ah ee Golaha Shacabka ayaa kulanka ka dhiibtay aragtiyadooda ka dhiibtay waxyaabaha ay aadka uga hadleena waxaa ka mid ah arrimaha la xiriira cutubyada dastuurka ee guddiga ilaa hada uu kasoo shaqeeyay iyo arrimaha miisaaniyada.
Guddoomiye kuxigeenka koowaad ee golaha Shacabka Mudane Cabdiwali Sheekh Ibraahim Muudey ayaa sheegay in ay la socon doonaan arrimaha dib u eegida iyo hir gelinta dastuurka si loo dar dar geliyo.
Guddoomiyaha Golaha Shacbaka JFS Mudane Maxamed Mursal Sheekh Cabdiraxmaan oo kulanka soo xiray ayaa u mahad celiyay guddiga madaxa banaan ee dib u eegida iyo hir gelinta dastuurka warbixinta kooban oo ay guddiga siiyeen isagoo sheegay in Golaha shacabka ay sii joogteyn doonaan kulamada ay la qaadanayaan guddiyada madaxa banaan si loola socdo howlaha ay haayaan.
