Guddiga KMG ah ee soo diyaarinta Sharciga Doorashooyinka Qaranka ee Golaha Shacabka ayaa Maanta Kulan la yeeshay Masuuliyiin ka socday Machadka Heritage ee Daraasaadka Siyaasadda.
Kulanka oo ka dhacay Xarunta Guddoonka iyo Guddiyadda Golaha Shacabka Ee Villa Hargeysa ayaa Waxaa Guddoominayay Guddoomiyaha Guddiga Xildhibaan Cabdulaahi Abukar Xaaji,iyadoo ay goobjoog ahaayeen Xubnaha Guddiga.
Kulankaan ayaa daba-socday kulamo Maalmahaan uu Guddiga la yeelanayay qeybaha Bulshada iyo Hay’addaha daneeya Arrimaha Doorashooyinka.
Agaasimaha hay’adda Heritage C/rashiid Khaliif Xaashi oo kulanka ka hadlay ayaa guddiga kaga mahadceliyay Dadaalka ay wadaan iyo Sida ay uga go’antahay ka mira-dhalinta Dadaalkooda.
Ugu Danbeyntii Guddoomiyaha Guddiga Xildhibaan Cabdulaahi Abukar Xaaji ayaa uga mahadceliyay Masuuliyiintii ka socday Machadka Heritage ee Daraasaadka Siyaasadda la kulankooda Guddiga.
