Guddiga Kumeel gaarka ah ee labada Aqal ee Baarlamaanka Dalka ee u xilsaaran diyaarinta xeerarka doorashooyinka, ururrada iyo Xisbiyadda Jamhuuriyadda Federaalka Soomaaliya iyo sharciga dhismaha guddiga doorashooyinka iyo soohdimaha oo kulan yeeshay ayaa Guddoomiyaha Guddiga u doortay Xildhibaan Mahdi Maxamed Guuleed, halka Senator Iftiin Xasan Iimaan Baasto loo doortay Guddoomiye Ku-xigeenka Guddiga.
Doorashada oo u dhacday hab gacan taag ah ayaa waxaa goobjoog ahaa Guddoomiye ku xigeenka labaad ee Golaha Shacabka Mudane Cabdullaahi Cumar Abahirow oo ay wehliyaan habdhowraha Golaha Aqalka Sare iyo sidoo kale Xoghayahaasha labada Aqal ee Baarlamaanka Dalka.
