Guddiga Qaranka Shaqaalaha Rayidka ayaa soo bandhigay waxqabadka sanadkii tegay ee 2017-ka, iyagoo abaal marino siiyay qaar ka mid ah shaqaalihii waxbadka la yimid.
Kulanka ayaa ujeedkiisu ahaa soo bandhigidda waxqabadka sanadkii tegay ee guddiga Shaqaalaha Rayidka iyo abaalmarino la guddoonsiiyay qaar ka mid ah shaqaalaha rayidka ee ka soo dhexmuuqday shaqaalihii ay wada shaqeynayeen kaddib dadaal dheeri ah oo ay muujiyeen ayaa lagu qabtay xarunta Akadeemiyada cilmiga, fanka iyo dhaqanka.
Guddoomiye ku-xigeenka xiriirka shaqaalaha ayaa sheegay in kulankan uu yahay tallaabo horey loo qaaday, waxaana uu bogaadiyay howsha ay guddiga qabteen.
Guddoomiyaha Guddiga Qaranka Shaqaalaha Radyidka Mudane Xasan Maxamed Abshirow ayaa xusay in wax badan oo ay qaban lahaayeen ay ku dhici weysay daruufo adag, balse markasta ay ka go’antahay horumarinta Shaqaalaha Rayidka ee dowladdda.
Hanti dhowraha guud ee Qaranka Maxamed Maxamuud Cali ayaa madaxda ugu baaqay inay ka warbqabaan xaaladda shaqaalaha ay mas’uulka ka yihiin, si ay uga warqabaan xaaladkasta oo uu qofka shaqaalaha ah ku jiro.
Wasiir ku-xigeenka Wasaaradda Gaadiidka iyo Dekadaha ee Xukuumadda Soomaaliya Cismaan Maxamed Cabdi Daalo ayaa sheegay in cadaaladdu ay tahay tiirka koowaad ee niyadda u dhista qofka beni’aadamka ah.
Wasiirka Wasaaradda Shaqada iyo Arrimaha bulshada ee Xukuumada Soomaaliya Mudane Saalax Axmed Jaamac ayaa sheegay in guddiga Qaranka uu wax badan qabtay oo ay ku dadaaleen wax ka qabashada arrimaha shaqaalaha, ayna mudanyihiin in lagu dhiiri geliy howlaha ay Qaranka u hayaan.
In ka badan 40 Shaqale ayaa Guddiga Qaranka Shaqalaha Rayidka ee Dowladda maanta guddoonsiyey Shahado Sharaf .
