Guddiga shaqaalaha rayidka ee dowladda Soomaaliya ayaa maalmihii u dambeeyay waxa ay kormeer ku bixiyeen Xarumaha Maamul goboleedyada Dalka si ay wax oga ogaadaan hanaanka shaqaalaha u shaqeeya Maamulada.
Labada dhinac ayaa ka wada hadlay sidii loo diiwaan galin lahaa shaqaalaha Maamul goboleedyada islamarkaana loo waafajin lahaa hanaanka uu ku shaqeeyo guddiga shaqaalaha rayidka.
Iyada oo ay taasi jirto ayaa waxaa maanta Xarunta Guddiga Qaranka ee Shaqaalaha Rayidka ee Dowladda waxaa soo gaaray Wakiilo ka socda Maamulada Dalka si ay wax oga bartaan hanaanka uu ku shaqeeyo Guddiga.
Mas’uuliyiintaan ayaa la kulmay Guddoomiyaha Guddiga shaqalaha rayidka Xasan Abshiroow, Kuxigeenkiisa iyo xubnaha kale ee Guddiga, iyada oo lagu wareejiyay qeybaha ay ka kooban Xarunta uu ku shaqeeyo Guddiga.
Arrintaani ayaa imaaneysa iyada oo Dowladda federaalka ay wado dadaalo lagu mideynayo sharuucda dowladda dhexe iyo Dowlad goboleedyada si loo helo hanaan federaal oo ka mideysan dhan kasta.
