Guddiga furlinta Soonka shanaad ee Gos ayaa kulan ay uga doodayaan dastuur uu yeelanayo Soonka ka ku yeeshay magaalada muqdisho, waxaana ka soo qayb galay madaxa arimaha gobolada ee Gos Ibraahin Xuseen Cali Roombe, guddoomiyaha Zone- 5 Xasan Wiish iyo xubnaha soonka, iyaga oo ka dooday qudabbo ku jiray dastuurka cusub.
falaanqeyn dheer kadib waxay xubnaha isla garteen in dastuurka cod gacantaag ah loo qaado ansaxintaiisa,waxaana xubnihii ku sugnaa ay cod aqlabiyad leh ku ansaxiyeen dastuuka Zone-5-aad ee Gos.
Marki ay xubanaha ansaxiyeen dastuurka waxaa halkaas ka hadlay Guddoomiya isboortiga gobolka Banaadir ahna madaxa soonka shanaad ee Gos Xasan Aadan Xaaji Yabarow (Wiish) Isagoo Sheegay in dastuurka uu laf dhabar u yahay howlaha horumarinta Soonka waana muhiim in aan u hogaansano sharciyaaada dastuurka u yaala si aan uga guul gaarno howlaha culus ee na horyaala.
Xasan Wiish ayaa ugu damabeyn u mahad celiyay xubnaha waxuuna kula dardaarmay in loo wada istaago horumarinta isboortiga dalka gaar ahaan Soonka shanaad.
Gebagebadii waxaa halkaas ka hadlay madaxa Horumarinta Gobolada ee Gos Ibraahin xuseen Cali Roombe Isagoo Yiri “dastuurka waxuu saxaa qaladadaadka ka dhaca isboortiga si loo gaaro hadafka laga leeyahay horumarka isboortiga,Soonka Shanaad waa gobolka Banaadir oo Caasimada dalka ku taal waana meesha ugu balaarran ee isboortiga dalka laga horumariyo,” Xil cuslus ayaa idiin saaran waxaana idiin rajeynayaa in aad dadaashaan una midowdaan sare u qaadida isboortiga dalka oo ka mid ah horumarka dalka uu hiigsanayo ayuu Rombe yiri”
