Guddiga Xuquuqul Insaanka, Haweenka, Qoyska iyo Arrimaha Bani’aadannimada ee Baarlamaanka Federaalka Soomaaliya iyo Wasaaradda Qoyska iyo Horumarinta Xuquuqul Insaanka ayaa magaalada Nairobi ee dalka Kenya uga furay kulan hawleed socon doona muddo afar cisho ah.
Kulankan ayaa diiradda lagu saaray dib-u-eegis iyo wadatashi ku saabsan laba hindise-sharciyeed oo kala ah:
•Hindise-sharciyeedka Dambiyada Kufsiga iyo Anshax-xumada
•Hindise-sharciyeedka Xuquuqda Carruurta.
Mudada uu socdo kulanka waxaa si gaar ah loogu lafa guri doonaa labada hindise-sharciyeed, maadaama ay yihiin sharciyo baahi weyn ay u qabaan shacabka Soomaaliyeed isla markaana mudnaan gaar ah u leh Dowladda Federaalka Soomaaliya.
