Guddiga joogtada ah ee Baarlamaanka Soomaaliya oo maanta kulan ku yeeshay xarunta Villa Hargeysa ee Muqdisho ayaa kaga hadlay dar-dar galinta sharuucda horyaalla golaha, mudaynta xiritaanka kalfadhiga 6aad Barlamaanka iyo arrimo la xariira hanaanka loo marayo geedi socodka 2016 ee Soomaaliya.
Kulanka oo uu shirguddoominayey Guddoomiyaha Barlamaanka Soomaaliya Mudane Maxamed Sheekh Cismaan Jawaari ayaa waxaa ay xubnaha guddiga joogtada ah ee golaha shacabka isku raceen in 16-kabishaan uu xirmo kalfadhiga 6aad ee Barlaamanaka,
Xoghayaha guud ee Barlamaanka Cabdikariin Xaaji Cabdi Buux oo la hadlay Warbaahinta Qaranka ayaa sheegay in kulanka la isku raacay in kalfadhiga lixaad ee baarlamaanka uu xurmo 16-ka bishan, isla markaana fasaxa Xildhibannada oo ah labo bil marka uu xirmo kalfadhiga golaha ah lagu soo koobo mudo bil ah fasaxa ay iminka galayaan iyo balaarinta wada tashiyada laga yeelanayo hiigsiga 2016-ka
“Kulanka guddiga joogtada waxaa looga hadlay saddex qobad oo muhiim ah, oo kala ah mudeynta fasaxa Xildhibanada golaha , waxaana la isku raacay in 16-ka bishiin uu xirmo kalfadhiga Barlamaanku, dibna uu u furmi doon 15 bisha10.2015, waxaana lasoo gaabiyey fasaxa mudanayaasha oo ahaa labo bil daruufo jira owgeed,waxaa sidoo kale laga hadlay arrimaha hiigsiga 2016ka, waxa ayna guddigu isku raceen in la barlaariyo guddiga ka talo bixinta hiigsiga 2016ka, laguna soo daro xubno ka socda ururrada bulshada iyo kuwa siyaasadeed maamul goboleedyada iyo xukumadda , ayna goob joog ka ahaadaan beesha caalamka.” ayuu yiri Buux.
