Guddiyada joogtada ah ee Baarlamaanka Federaalka Soomaaliya ayaa maanta ka doodaya qaabka loo wajahayo doorashada sanadkan ka dhaceysa dalka.
Guddoomiye ku xigeenka 1aad ee Baarlamaanka Jeylaani Nuur Iikar ayaa sheegay in guddiyada joogtada ah ee Baarlamaanka ay isla eegi doonaan qaabka ay u dhici doonto doorashada.
Xildhibaanada Baarlamaanka ayaa dalbaday in la horkeeno go’aanada ka soo baxay shirarkii Madasha wadatashiga qaran ee looga hadlayay qaabka doorashooyinka u dhici doonaan.
Madaxweynaha Soomaaliya Xasan Sheekh Maxamuud ayaa furitaankii kalfadhiga 8-aad ka sheegay in Baarlamaanka la horkeeni doono go’aanada ka soo baxay shirka Madasha wadatashiga ee la isku raacay habka doorashada 2016 u dhaceyso.
