Mudane Xasan Maxamed Xuseen (Muungaab) oo ah Guddoomiyaha gobolka Banaadir ahna Duqa magaalada Muqdisho ayaa ka qeyb galay xaflad is dhexgalka bulshada oo ka dhacday degmada Shangaani ee magaalada Muqdisho.
U jeedada xafladda ayaa aheyd in xariga laga jaro Afarta Waaxood ee degmada Shangaani,waxaana degmada Shangaani ay kamid tahay degmooyinka Da’da weyn ee gobolka Banaadir, sidoo kale xafladda ayaa waxaa ka qeybgalay maamulka degmada Shangaani iyo qaar kamid ah bulshada ku nool halkaasi.
Guddoomiyaha gobolka Banaadir ayaa xafladda ka sheegay in bulshada ku dhaqan gobolka Banaadir looga baahan yahay in ay adkeeyaan Amniga iyo horumarka magaalada Muqdisho isagoo tilmaamay in Waaxiyahan dib u dhiska lagu sameeyay loogu adeegi doono dadka Soomaaliyeed oo degan gobolka Banaadir gaar ahaan degmada Shangaani.
