Guddoomiye ku-xigeenka labaad ee Golaha Shacabka Baarlamaanka jamhuuriyadda federaalka Soomaaliya Mudane Cabdullaahi Cumar Abshirow oo ay wehliso Habdhowraha golaha Aqalka Senator Zamzam Ibraahim Cali ayaa garoonka diyaaradaha caalamiga ah ee Aadan Cabdulle ka sagootiyay guddoomiyaha baarlamaanka urur goboleedka bulshada bariga Afrika oo maalmihii lasoo dhaafay booqasho rasmi ah ku joogay Magaaladda Muqdisho ee caasimadda Dalka,waxaana ku wehliyay xildhibaano ka tirsan labada Aqal ee baarlamaanka dalka.
Guddoomiyaha baarlamaanka urur goboleedka bulshada Bariga Afrika oo booqasho laba maalin ah dalka ku joogay ayaa mudadii ay joogeen kulamo la qaatay guddoonka golaha shacabka ee baarlamaanka dalka, iyaga oo sidoo kale ka qeyb galay kulanka aan caadiga ahayn ee golaha shacabka.
