Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa xalay kormeer shaqo ku tagay Suuqa Degmada Xamarweyne oo uu ka socdo dhaqdhaqaaq ganacsi oo baaxad leh.
Kormeerkaan waxaa guddoomiyaha ku wehlinaayey Maamulka Degmada Xamarweyne, Saraakiisha Laamaha Amniga iyo xubno kale,iyagoo shacabka iyo ganacsatada ka xog wareystay isbadalka amni iyo kobaca ganacsi ee ka jira suuqa Xamarweyne.
Guddoomiyaha Gobolka Banaadir ahna Duqa Magaalada Muqdisho ayaa sidoo kale socod ku tagay xeebta Liido ee Degmada Cabdicasiis, halkaasi oo uu kula kulmay dad shacab ah,wuxuuna ugu baaqay in ay la shaqeeyaan Laamaha Amniga si loo xoojiyo guulaha laga gaaray sooo celinta xasiloonida caasimadda
