Guddoomiyaha Aqalka Sare BFS Senator Cabdi Xaashi Cabdullaahi, ayaa maanta xafiiskiisa ku qaabilay Wakiilka Xoghayaha Guud ee Qaramada Midoobay Marwo Catriona Laing oo uu wehliyo Mudane Paul Partner oo ah sarkaal UNSOM u qaabilsan arrimaha siyaasadda.
Guddoomiyaha iyo Wakiilka Xoghayaha guud ee Qaramada Midoobay waxay kawada hadleen, xaaladda guud ee Dalka, arrimaha dib u eegista Dastuurka ee haatan socota, habka ugu haboon ee lagu qaban karo doorashooyin qof iyo cod ah.
Waxaa habboon si uu dalku uga guuri lahaa nidaamka qabiilka ku salaysan ee 4.5 looguna guuri lahaa nidaam ku salaysan Axsaab, iyo sidoo kale sidii hay’adaha Qaramada Midoobay gacan uga gaysan lahayd fududaynta arrimahaas horyaalla Qaranka Soomaaliya.
