Guddomiyaha Baarlamaanka Jabuuti iyo wafdi uu hogaaminayo ayaa goor dhaweyd ka soo degay garoonka diyaaradaha Aadan Cadde ee Muqdisho, iyadoo halkaasi si weyn loogu soo dhaweeyey.
Wafdiga Guddoomiyaha Baarlamaanka Jabuuti waxaa soo dhaweeyey guddoomiyaha Golaha Shacabka Jamhuuriyadda Soomaaliya Mudane Maxamed Sheekh Cusmaan “Jawaari” xildhibaanno iyo mas’uuliyiin kale.
Waxaa la filayaa in uu ka qeybgalo kulanka xildhibaannada Golaha Shacabka, islamarkaana uu la kulmi doono mas’uuliyiinta Dowladda Soomaaliya.
Waa markii ugu horreysay ee guddoomiyaha cusub ee baarlamaanka Jabuuti uu soo gaaro Muqdisho, balse waxaa horey u yimid guddoomiyihii hore Iriris Arnaud Cali.
