Kulankaan uu Afhayeenka Barlamaanka Federaalka Soomaaliya Mudane Maxamed Sheekh Cismaan Jawaari uu la qaatay ergeyga dowladda Finland u qaabisan arrimaha dalalka geeska Afrika ee ay Soomaaliya ka mid tahay Danjire Pekka Haavisto ayey kaga wada hadleen xoojinta xariirka labada dal iyo sdii dowladda Finland usoo celin lahayd mashariicdii horumarineed ay Soomaaliya ka fulin jirtay xilliyadii hore iyo arrimo kale.
Guddoomiyaha Baarlmaanka ayaa Dowladda Finland uga mahad celiyey sida ay dalkeeda ugu soo dhawaysay Soomaali badan oo xilligan dalkaasi ku nool, waxana kulanka goob joog ka ahaa Guddoomiyaha Guddiga arrimaha dibadda ee Baarlamaanka Soomaaliya.
Cabdulqaadir Cosoble Cali Guddoomiyaha guddiga arrimaha dibadda ee Barlaamka Soomaaliya oo markii uu kulanka soo idlaaday kaddib la hadlay Warbaahinta Qaranka ayaa sheegay in kulanka uu ahaa mid ay labada dhinac ku kala warqaadanayeen.
“Maanta waxaa aniga iyo guddoomiyaha Barlmaanku kulan muhiim ah la yeelanay ergeyga dowladda filand u qabilsan arimaha geedka Africa, waxana warbxin ka siinay horumarka siyaasadda, iyo amniga, iyo sidii Finland ay gacan uga gaysan lahayd caawinta Soomaaliya, isla markaana ay u soo celin lahayd barmaanijyo ay ka fulin jirtay Soomaaliya oo ay ka mid tahay dhismaha isbitaalo waa wayn uu ku yalla Muqdisho iyo Meelo kale ka mid ah dalka.” ayuu yiri Cosoble
